EL TO CELEBRU Y TU Presentámoste 15 ilusiones óptiques que van facer que nun te vuelvas fiar de los tos propios güeyos: Llinies rectes que paecen torcíes, imáxenes fixes qu'aparenten movimientu y semeyes en blanco y negro que garren color JAIME RUBIO HANCOCK 28 XINE 2016 - 09:33 CET Les ilusiones óptiques son percepciones visuales que nun se faen a la realidá del mundu que nos arrodia. Non solo son xuegos (que tamién) sinón que nos ayuden a entender cómo vemos y cómo reconstruyimos el mundu. Y ye que les ilusiones óptiques ponen de manifiestu que los nuesos güeyos nun son cámares de vídeu que graben tolo qu'asocede, sinón que’l nuesu celebru interpreta y reellabora la información que nos apurren los nuesos sentíos. La mayor parte de les vegaes esto nun nos da problemes. Al contrario, ayúdanos. Pero en determinaes circunstancies, nun tenemos abonda información o inflúyenos el contestu y esta reconstrucción ye ambigua o defectuosa. Equí van 15 exemplos, munchos d'ellos clásicos.

1. ¡Organización, organización! Delles de les ilusiones óptiques xueguen con cómo entamamos la nuesa percepción. Cuando la información ye ambigua, nun sabemos si tamos viendo a un coríu o un coneyu, o una calavera o una señora, como nesta ilusión creada en 1892 pol artista Charres Allan Gilbert y con munches versiones posteriores.

1

2. La ilusión de Zöllner: Basten unes poques llinies pa confundinos. Como nesta ilusión descubierta pol astrofísicu alemán Johann Karl Friedrich Zöllner en 1860. A pesar de qu'estes rectes son paraleles, paecen inclinase por influencia de les llinies diagonales.

3. La paré de la cafetería: Esti efectu ye paecíu. Les llinies son paraleles, anque nun lo paeza pola disposición de los cuadros y pol contraste ente'l blanco y el negro, que torguen que se vea bien la llinia que dixebra les files y que faen que cada cuadru paeza más anchu nunu de los estremos. Conozse dende 1898, pero popularizólu nos años 70 Richard Gregory que-y punxo el so nome al vela na paré d'una cafetería de Bristol. Hai un edificiu de Melbourne que xuega con esti efectu.

2

4. El falsu enxareyáu: Si vamos a les llinies curves, atopamos esta ilusión creada pol psicólogu italianu Baingio Pinna en 2002. Estes llinies paecen cruciase, pero son círculos concéntricos.

Los círculos tán creaos con cuadraos blancos y negros que s'alternen en color y n'enclín. Esto ye, el celebru recibe pistes que lleven a inferir una espiral, anque seyan círculos.

5. ¿Cuál ye más grande? Nun somos mui bonos estimando a güeyu llargores y tamaños. Un exemplu ye esta ilusión afayada pol psicólogu estadounidense Joseph Jastrow en 1889. Les dos barres tienen el mesmu tamañu, anque nun lo paeza.

3

Val, nun lo crees. A ver si esti videu t’ayuda: https://youtu.be/w8Zz05t19dg

6. Les meses de Shepard: Otru exemplu paecíu ye'l de les meses de Shepard. ¿Cuála d'estos dos meses ye más ancha? ¿Y cuála más llarga?

Les dos son iguales: http://ep01.epimg.net/verne/imagenes/2016/01/27/articulo/1453897011_477533_14539 03405_sumario_normal.gif Como espliquen en Mental Floss, percibimos les llinies verticales más llargues que les horizontales, anque midan lo mesmo, nun efectu descritu pol fisiólogu alemán Adolf Fick en 1851. Nesta ilusión inflúi tamién la sensación de perspectiva. Interpretamos los dibuxos como dos meses nun espaciu en tres dimensiones, escaeciendo que son superficies planes, y la primera paeznos asina más llarga que la segunda. (Les imáxenes son d'una conferencia de Michael Abrash, responsable d'investigación y desarrollu de la plataforma de realidá virtual Oculus).

7. L'habitación d'Ames (y d’El señor de los aniellos). Pero no que se refier a la perspectiva, nun hai nada meyor que l'habitación d'Ames, llamada asina pol psicólogu estadounidense Adelbert Ames, que creó una habitación que paez normal si se ve de frente y nel centru, pero qu'en realidá ye trapezoidal: les parés, el suelu y el techu tán inclinaos. El diseñu del suelu tamién suel ayudar a crear la ilusión. Este sería'l planu:

4

Y vese asina: https://youtu.be/aS-vzPuZzuk Normal que s'usaren "perspectives forzaes" asemeyaes a la d'esta habitación n'El señor de los aniellos, pa xugar colos tamaños de hobbits, nanos y demás. https://www.youtube.com/watch?v=QWMFpxkGO_s

8. ¡Esos cuadros nun puen ser del mesmu color! Los cuadraos A y B son del mesmu tonu de gris. Ye la famosa ilusión d’Adelson.

Esti gif ayuda a velo meyor: http://ep01.epimg.net/verne/imagenes/2016/01/27/articulo/1453897011_477533_14539 03877_sumario_normal.gif El celebru compensa el color de los cuadros aplicando la constancia parcial del color. Si son del mesmu color a pesar de que B ta so la solombra d'un cilindru, eso quier dicir (pal nuesu celebru), qu'esi cuadru tien que ser más claru. Tamién influyen los cuadros qu'hai alredor de caún. Y da igual que sepamos que son del mesmu tonu: nun hai forma de velos asina.

5

9. ¡Y estos cubos tampoco! Otru exemplu paecíu ye'l d'estos cubos. El d’arriba paez gris escuro y el d’abaxo blancu. Agora tapa con un deu la separtación. Efectivamente, los dos son del mesmu color. Y namás que quitamos el deu, volvemos ver dos tonos de gris distintos.

Ye l’efectu Cornsweet: "El sistema visual toma'l gris escuro y el blanco de los cantos y estiéndese al traviés de los cuadraos", espliquen en Science Blogues, onde s'esplayen más nes causes y ponen más exemplos.

10. Una espiral ye verde y la otra ye... ¿azul? El contestu tamién inflúi en qué colores vemos. Miremos les espirales verde y azul:

6

Resulta que les dos son del mesmu color, pero xulgámosles distintes pol contestu nel qu'apaecen: les verdes, cruciaes per franxes naranxes y les “azules”, per franxa maxenta, como espliquen en Discover Magacín, onde espliquen que la ilusión ta sacada de la web del psicólogu Akiyoshi Kitaoka. Si pasamos la imaxe per Photoshop o per cualquier programa que reconoza el color, podemos comprobar que'l códigu RGB d’entrambes espirales ye 0, 255, 150 (un tonu de verde). Pero, como na ilusión d’Adelson, resulta imposible ver les dos espirales del mesmu color.

11. Cómo ver en color una imaxe en blanco y negro. Otru efectu de colores interesante ye'l provocáu pola fatiga de retina. Cuando nos esponemos a una gran cantidá de lluz d'un determináu color, los conos que perciben esta lluz fatíguense y dexen de responder per unos segundos. Lo que provoca, por exemplu, que podamos ver en color la imaxe d'esti gif. Solo hai que mirar el puntu negru. Y esperar. http://ep01.epimg.net/verne/imagenes/2016/01/27/articulo/1453897011_477533_14539 05468_sumario_normal.gif

12. Sigui'l puntu. Una ilusión que combina color y movimientu ye esta creada en 2005 pol espertu en visión Jeremy Hinton. Centrando la visión na cruz del centru, pue vese un círculu verde nel espaciu que van dexando en blanco los puntos maxenta. Con abonda concentración inclusive puen desapaecer estos otros círculos. Non solo ye la fatiga de retina, que según esplica'l fisiólogu Michael Bach llévanos a ver el color complementariu, sinón que tamién s’amiesta la ilusión de movimientu y l'efectu Troxler, que fai que s'esmorezan les imáxenes borroses si apaecen nel campu de la nuesa visión periférica. http://ep01.epimg.net/verne/imagenes/2016/01/27/articulo/1453897011_477533_14539 06308_sumario_normal.gif

13. La cuadrícula centelleante Anque si lo que te presta ye ver coses que nun tán ende, lo meyor ye la ilusión de la cuadrícula centelleante (paecida a la d’Hermann y descubierta por Y. Lingelbach en 1994). Basta afitase nuna de les intersecciones (cualquiera) pa comprobar que nun hai nengún puntu negru. Anque ellí hai otru. Y ellí. Y ellí.

7

14. Los círculos que se mueven, pero nun se mueven (pero muévense). Colores y solombres pueden dar la impresión de qu'estos círculos muévense, yá que los patrones de colores asonsañen el tipu d'información que recibimos cuando vemos un oxetu en movimientu. Esta ilusión afecta a la visión periférica: si nos afitamos solo nunu de los círculos, vamos ver que nun ta quietu. En tou casu, esta imaxe, basada nel trabayu del psicólogu Akiyoshi Kitaoka, nun ye un gif.

8

15. El tren que vien (o marcha). Pero yá basta d'ilusiones óptiques. Va ser meyor que vuelva a casa en metro. El problema ye que nun sé si'l tren vien o marcha. Como la imaxe ye en dos dimensiones, al celebru cuésta-y saber si'l tren entra o sal del túnel. Ye fácil ver la imaxe colos dos sentíos de la marcha de forma bien siguida. http://ep01.epimg.net/verne/imagenes/2016/01/27/articulo/1453897011_477533_14539 07774_sumario_normal.gif

ACTIVIDAES 1. Enantes de lleer el testu, ¿por qué crees que nun te vas poder volver a fiar de los tos propios güeyos? 2. ¿Cuánto crees qu’inflúi’l celebru en tolo que vas ver?¿Por qué? 3. Esti testu ye un artículu periodísticu, ¿qué partes d’esti tipu de testos atopes? ¿Por qué crees qu’apaez la hora d’espublizamientu? Ta asoleyáu nun suplementu del diariu El País llamáu Verne, ¿por qué crees qu’esti suplementu se llama asina? 4. Defini lo que pa ti ye una “ilusión óptica”. Busca n’internet otres ilusiones óptiques y espónles en clas. Cuénta-yos a los/les tos compañeros/es lo que ves y que te cuenten ellos/es lo que ven. De xuru que nun coincide. 5. Mira toles imáxenes y escribi lo que ves en caúna. Depués comparáilo ente tolos/es compañeros/es. ¿Por qué nun veis toos/es lo mesmo? ¿Cuála foi la que más te prestó? ¿Y la que nun te prestó nada? 6. ¿Qué ye un fisiólogu? ¿Y un astrofísicu? ¿Tán toles ilusiones creaes por científicos? 7. ¿Cuáles son les tres dimensiones? ¿Y la cuarta? 8. ¿Por qué se cita El señor de los aniellos nesti artículu? ¿Visti la película? Si la visti fai un resume nunes poques llinies. Si nun la visti busca n’internet y copia la so ficha artística. 9. De xuru qu’al ver dalguna de les ilusiones pensasti, eso fáigolo yo. ¿Con cuála te pasó eso? ¿Por qué? 9

10. Crea de palabra una ilusión óptica que te gustaría facer. Lo que dibuxaríes, lo que quixeres que los otros vieren y por qué crearíes esa ilusión. Prepáralo y espónlo a los tos compañeros/es. De xuru qu’ellos/es van poder date idees pa llevar alantre esa idea. 11. ¿Inflúi’l celebru no que visti tanto como esperabes? Razona la respuesta.

10